პარლამენტარები სადავო ტერიტორიაზე

წყალტუბოში, სა­ნა­ტო­რი­უმ „ცის­კა­რის" მიმ­დებარე ტე­რი­ტო­რი­ა­ზე პარ­ლა­მენ­ტის წევ­რთა საცხოვ­რებელი სახლების მშე­ნებლობა დაახლოებით 2 თვის წინ და­იწყო. თუმ­ცა, სა­მუ­შა­ოების მიმ­დი­ნა­რეობა-შე­ჩე­რების შე­სახებ განსხვა­ვებული ინ­ფორ­მა­ციები ვრცელ­დება.

ქუ­თა­ის­ში, სა­ქარ­თვე­ლოს პარ­ლა­მენ­ტის გად­მო­ტა­ნის შემ­დეგ, სა­კა­ნონ­მდებლო ორ­გა­ნოს წევ­რთა საცხოვ­რებელ ად­გი­ლად წყალ­ტუბო ქა­ლაქ­თან სიახლო­ვის კრი­ტე­რი­უ­მით შე­ირ­ჩა. კა­ნონ­მდებელ­თა საცხოვ­რებლების მშე­ნებლობა წყალ­ტუბოში რუს­თა­ვე­ლის ქუ­ჩა­ზე მიმ­დი­ნა­რეობს. ად­გილ­ზე, სა­დაც მშე­ნებლობა და­იწყო, „სა­ქარ­თვე­ლოს ბან­კის" შე­ნობა იყო გან­თავ­სებული. ამჟამად ბან­კის ყოფილ ტე­რი­ტო­რი­ას მე­სე­რი აქვს შე­მოვ­ლებული. ად­გილ­ზე მობილი­ზებულია სამ­შე­ნებლო ტექ­ნი­კა და მა­სა­ლები.

სა­მუ­შა­ოებთან და­კავ­ში­რებული ინ­ფორ­მა­ცი­ის მო­პო­ვებას ტე­რი­ტო­რი­ა­ზე მყოფი პი­რებისა­გან შე­ვე­ცა­დეთ. პარ­ლა­მენ­ტა­რების მო­მა­ვალ საცხოვ­რებელ­თან ჩვე­ნი ყოფ­ნის მო­მენ­ტის­თვის ტე­რი­ტო­რი­ა­ზე რამ­დე­ნი­მე მუ­შა, დაც­ვის სამ­სახურის წარ­მო­მად­გე­ნე­ლი და სა­მუ­შა­ო­თა ზე­დამხედ­ვე­ლი იმყოფებოდა. ამ დრო­ი­სათ­ვის კა­ნონ­მდებელ­თა გან­თავ­სების ად­გი­ლას მხოლოდ ორი მცი­რე ზო­მის შე­ნობაა, რო­მე­ლიც სა­ვა­რა­უ­დოდ მშე­ნებლობაზე და­საქ­მებული პი­რების დროებითი საცხოვ­რებლის ფუნ­ქცი­ას შე­ი­ძენს. მუ­შები აღ­ნიშ­ნულ სახლებს აწყობენ.

მათ­გან რა­ი­მეს გარ­კვე­ვის მცდე­ლობა ამაო აღ­მოჩ­ნდა. საუბრის სურ­ვილს არც მუ­შები და არც მა­თი ზე­დამხედ­ვე­ლი გა­მოთ­ქვა­მენ. ეს უკა­ნას­კნე­ლი სა­მუ­შა­ოების დაწყების ფაქტს ადას­ტუ­რებს, თუმ­ცა ამბობს, რომ ერთ დღეს სა­მუ­შა­ოები ისე შეწყდა, მათ­თვის არა­ვის არა­ფე­რი აუხსნი­ა.

რამ­დე­ნად შე­ე­საბამება აღ­ნიშ­ნუ­ლი სი­მარ­თლეს, ამის გარ­კვე­ვას ტე­რი­ტო­რი­ის დაც­ვის თა­ნამ­შრო­მელ­თან შე­ვე­ცა­დეთ, რო­მელ­მაც გან­მარ­ტა, რომ იმ ტე­რი­ტო­რი­ა­ზე ის „ყვე­ლა­ფერს წარ­მო­ად­გენ­და". თუმ­ცა, მის­გან მხოლოდ ის შე­ვიტყვეთ, რომ გა­სულ კვი­რა­ში ტე­რი­ტო­რი­ა­ზე რკი­ნის მა­სა­ლა მი­ი­ტა­ნეს. დარ­ჩე­ნილ დე­ტა­ლებზე საუბარი დაც­ვის თა­ნამ­შრო­მელს აუკ­რძა­ლეს.

პარ­ლა­მენ­ტარ­თა სახლების მშე­ნებლობის ად­გი­ლას მყოფი ერთ-ერ­თი პირ­მა გან­გვი­მარ­ტა, რომ ტე­რი­ტო­რი­ა­ზე სახელ­მწი­ფო ობიექ­ტის მშე­ნებლობა მიმ­დი­ნა­რეობს და ამის გა­მო ფოტოს გა­და­ღებაც აკ­რძა­ლუ­ლი­ა. მი­სი თქმით, თუ ჟურ­ნა­ლის­ტი მის გან­კარ­გუ­ლებას არ და­ე­მორ­ჩი­ლებოდა, შე­საბამის ზო­მებს მი­მარ­თავ­და.

„ტე­რი­ტო­რი­ა­ზე არ შეხვი­დე. თუ არ გა­ჩერ­დები, დავ­რე­კავ და ისი­ნი მოგხედა­ვენ. ფო­ტო­ა­პა­რატს ჩა­მო­გარ­თმე­ვენ, იცო­დე. მა­ინც ვის აინ­ტე­რე­სებს ამის მშე­ნებლობა?", - ამბობდა ის.

აღ­სა­ნიშ­ნა­ვი­ა, რომ პარ­ლა­მენ­ტარ­თა გან­თავ­სების კი­დევ ერთ ად­გი­ლად რუს­თა­ვე­ლის ქუ­ჩა­ზე მდებარე სა­ნა­ტო­რი­უ­მი „ცის­კა­რი" გა­ნიხილებოდა. აღ­ნიშ­ნულ სა­ნა­ტო­რი­უმ­ში მაცხოვ­რებლებს პარ­ლა­მენ­ტის ვი­ცე-სპი­კე­რი მიხეილ მა­ჭა­ვა­რი­ა­ნი გა­სუ­ლი წლის ბოლოს შეხვდა და მათ გან­სახლების გეგ­მა­ზე ესაუბრა. დევ­ნი­ლების თქმით, მა­ჭა­ვა­რი­ა­ნი მა­თი ოაჯხის წევ­რებს პარ­ლა­მენ­ტარ­თა სახლის მშე­ნებლობაზე და­საქ­მებას და­პირ­და, თუმ­ცა რო­გორც დევ­ნი­ლები ამბობენ, მათ­გან რე­ა­ლუ­რად არა­ვინ და­საქ­მებულა. თა­ვად დევ­ნი­ლები კი გა­სუ­ლი წლის დე­კემბერ­ში გა­დაიყვა­ნეს სა­ნა­ტო­რი­უ­მი­დან და წყალ­ტუბოში, 9 აპ­რი­ლის ქუ­ჩა­ზე ახლადა­შე­ნებულ სახლებში გა­დაიყვა­ნეს. სა­ნა­ტო­რი­უ­მი „ცის­კა­რი" ამ დრო­ი­სათ­ვის და­ცა­რი­ე­ლებული­ა. მის ჭიშ­კარ­ზე ტე­რი­ტო­რი­ა­ზე შეს­ვლის აკ­რძალ­ვაა მი­ნიშ­ნებული.

რო­გორც ირ­კვე­ვა, პარ­ლა­მენ­ტა­რებისათ­ვის სახლების აშე­ნებას კომ­პა­ნია „მა­გის­ტი­ლი" უზ­რუნ­ველყოფს. იგი­ვე კომ­პა­ნია ახორ­ცი­ე­ლებს ქუ­თა­ის­ში პარ­ლა­მენ­ტის მშე­ნებლობას.

პარ­ლა­მენ­ტარ­თა დაბინავებისათ­ვის გათ­ვა­ლის­წი­ნებული თანხების შე­სახებ ინ­ფორ­მა­ცია არ აქვთ რე­გი­ო­ნა­ლუ­რი გან­ვი­თა­რებისა და ინ­ფრას­ტრუქ­ტუ­რის სა­მი­ნის­ტრო­ში. უწყებაში გვი­პა­სუხეს, რომ კითხვა­ზე პა­სუხს ვერ გაგ­ვცემ­დნენ. ჩვენ­თვის სა­სურ­ველ კითხვა­ზე პა­სუხი არც იმე­რე­თის გუბერ­ნა­ტო­რის ად­მი­ნის­ტრა­ცი­ა­ში აღ­მო­აჩ­ნდათ, სა­დაც აცხადებენ, რომ სა­კითხი ცენ­ტრა­ლურ დო­ნე­ზე წყდება.

რო­გორც ირ­კვე­ვა, პარ­ლა­მენ­ტარ­თა სახლებისათ­ვის მშე­ნებლების შერ­ჩე­ვა ისე მოხდა, რომ პრო­ცეს­მა წყალ­ტუბოში და­მა­ტებითი სა­მუ­შაო ად­გი­ლები ვერ შექ­მნა. და­უ­საქ­მებელი დარ­ჩა სა­მუ­შა­ოს მა­ძიებელი ად­გი­ლობრი­ვი მკვიდ­რი. აღ­ნიშ­ნუ­ლი პი­როვ­ნება სა­მუ­შა­ოს ზე­დამხედ­ველ­თან და­საქ­მების თხოვ­ნით ჩვე­ნი იქ ყოფ­ნის დროს მი­ვი­და. თუმ­ცა, დამ­საქ­მებლი­სა­გან უა­რი მი­ი­ღო იმ მი­ზე­ზით, რომ მას სა­მუ­შა­ო­ზე თა­ვი­სი ხალხი უკ­ვე ჰყავ­და აყვა­ნი­ლი.

აღ­სა­ნიშ­ნა­ვი­ა, რომ სა­მუ­შა­ოებთან და­კავ­ში­რებით მუ­შებისა­გან განსხვა­ვებულ ინ­ფორ­მა­ცი­ას ავ­რცე­ლებს წყალ­ტუბოს მუ­ნი­ცი­პა­ლი­ტე­ტის საკ­რებულოს თავმჯდო­მა­რე მა­მუ­კა სა­ღა­რე­იშ­ვი­ლი. მი­სი თქმით, პარ­ლა­მენ­ტარ­თა სახლების მშე­ნებლობა და­იწყო და მიმ­დი­ნა­რეობს კი­დეც.

„სა­მუ­შა­ოები შე­ჩე­რებული იყო უა­მინ­დობის გა­მო. ფუნ­და­მენ­ტი უკ­ვე ამო­ღებული­ა. სხვა, რაც იყო გა­სა­კე­თებელი, ორ­მო ამო­სათხრე­ლი და ბეტო­ნი და­სასხმე­ლი, ცუ­დი ამინ­დის გა­მო ვერ აკე­თებდნენ," - ამბობს სა­ღა­რე­იშ­ვი­ლი.

მი­სი თქმით, მშე­ნებლობაზე ად­გი­ლობრი­ვი მუ­შები არი­ან და­საქ­მებული. სა­ღა­რე­იშ­ვი­ლის ინ­ფორ­მა­ცი­ით, პარ­ლა­მენ­ტა­რებისათ­ვის სა­მი 5-სარ­თუ­ლი­ა­ნი კორ­პუ­სი აშენ­დება. თუმ­ცა, კორ­პუ­სების ჩაბარების ვა­და ამ დრო­ი­სათ­ვის გა­ნუ­საზ­ღვრე­ლი­ა.

„მშე­ნებლობის პრო­ექ­ტი არ მი­ნახავს. იმ დრო­ი­სათ­ვის, რო­დე­საც პარ­ლა­მენ­ტი გაიხსნება, მშე­ნებლობა დას­რუ­ლებული არ იქ­ნება," - ამბობს საკ­რებულოს თავმჯდო­მა­რე.

სა­მუ­შა­ოებთან და­კავ­ში­რებით განსხვა­ვებული ვერ­სი­ის არ­სებობის ფონ­ზე ვრცელ­დება ინ­ფორ­მა­ცი­ა, რომ სა­მუ­შა­ოების შე­ჩე­რების ოფი­ცი­ა­ლუ­რი მი­ზე­ზი ტე­რი­ტო­რი­ა­ზე სა­კუთ­რების უფ­ლებას­თან და­კავ­ში­რებული და­ვა­ა. თუმ­ცა, წყალ­ტუბოს მუ­ნი­ცი­პა­ლი­ტე­ტის საკ­რებულოს თავმჯდო­მა­რე აღ­ნიშ­ნულს უარყოფს და აცხადებს, რომ ტე­რი­ტო­რია აქამ­დე კერ­ძო სა­კუთ­რებას წარ­მო­ად­გენ­და, მი­სი მფლობელი შპს „ნი­კე" იყო. ამ ეტაპ­ზე აღ­ნიშ­ნუ­ლი ნაკ­ვე­თი უკ­ვე გა­და­ე­ცა სახელ­მწი­ფოს სა­კუთ­რებაში.

წყალ­ტუბოში მაცხოვ­რებელ­თა თქმით, მხოლოდ პარ­ლა­მენ­ტარ­თა სახლები ქა­ლაქს ვერ გა­და­არ­ჩენს, თუ სა­სი­კე­თო ცვლი­ლებები მო­სახლეობასაც არ შეეხო.

„თვი­თონ პარ­ლა­მენ­ტა­რებისათ­ვის სახლების მშე­ნებლობა არა­ფერს შეც­ვლის, გარ­და იმი­სა, რომ ინ­ფრას­ტრუქ­ტუ­რა შე­იც­ვლება. წყალ­ტუბოს­თვის უპირ­ვე­ლეს ყოვ­ლი­სა, ისე­ვე რო­გორც მთე­ლი სა­ქარ­თვე­ლოს­თვის, პრობლე­მე­ბი არის ახალი სა­მუ­შაო ად­გი­ლების შექ­მნა," - ამბობს წყალ­ტუბოს მკვიდ­რი ლონ­და კვა­რაცხელი­ა.

რო­გორც ირ­კვე­ვა, პარ­ლა­მენ­ტარ­თა სახლების გარ­და, 26 მა­ი­სის­თვის შე­საძ­ლო­ა, ვერც პარ­ლა­მენ­ტის აშე­ნება დას­რულ­დეს, რად­გან მო­მა­ვა­ლი 2 თვის ვა­და­ში მუ­შებმა შე­ნობის დას­რუ­ლება, მი­სი გა­დახურ­ვაც, გა­რე­მონ­ტებაც, ტე­რი­ტო­რი­ა­ზე ფი­ლაქ­ნების და­გებაც, გა­ნა­თების სის­ტე­მის და­მონ­ტაჟებაც, წყლების ამოშ­რობა და ტე­რი­ტო­რი­ის გამ­წვა­ნებაც უნ­და უზ­რუნ­ველყონ.

ქრისტინა ქარჩხაძე