ქუთაისში, მრავალსართულიან კორპუსებში არსებული ბუნკერები მიმდინარე წლიდან გაუქმდება.
ბუნკერების ლიკვიდაცია, ადგილობრივი თვითმმართველობის დაპირების მიხედვით, ჯერ კიდევ გასულ წელს უნდა მომხდარიყო. mერიის კეთილმოწყობის სამსახურის დასუფთავების განყოფილების ხელმძღვანელის Dფრიდონ ბეშკენაძის თქმით, ამ ეტაპზე ცხადდება ტენდერი. როგორც ბეშკენაძე ამბობს, თავდაპირველად ბუნკერებს გამარჯვების მუნიციპალიტეტის ტერიტორიულ ერთეულში შემავალ კორპუსებში გააუქმებენ. გარდა ამისა, ტერიტორიაზე სადეზინფექციო სამუშაოების ჩატარებაც იგეგმება.
`რაც არ უნდა უზრუნველყო ბუნკერის გაწმენდა, მასში ნაგვის ნარჩენები მაინც რჩება. 2012 წლისთვის ბუნკერები მთელ ქალაქში გაუქმდება,~ - ამბობს ბეშკენაძე.
ამ ეტაპზე მრავალსართულიან კორპუსებში არსებულ ბუნკერებს დასუფთავების სამსახურის მანქანები კვირაში ერთხელ წმენდენ. როგორც დასუფთავების განყოფილების უფროსი ირწმუნება, ბუნკერების ნაცვლად კორპუსეში კონტეინერები დაიდგმება. ტერიტორიიდან ნაგავს კი ყოველდღიურად გაიტანენ.
ქრისტინა ქარჩხაძე
No comments:
Post a Comment