18 წლიდან 30 წლამდე ყველა დაინტერესებულ პირს პოლონეთში მოხალისედ მუშაობის შესაძლებლობა ეძლევა. დასაქმების აღნიშნული პროექტის შესახებ, დღეს „ადგილობრივი დემოკრატიის სააგენტო საქართველოს“ ქუთაისის ოფისის წარმომადგენელმა სოსო ხახალეიშვილმა ისაუბრა. შეხვედრა „სამართლიანი არჩევნებისა და დემოკრატიის საერთაშორისო საზოგადოების“ ქუთაისის ორგანიზაციაში გაიმართა. საინფორმაციო შეხვედრაზე არასამთავრობო ორგანიზაციების წარმომადგენლებმა მიმდინარე თვის განმავლობაში განხორციელებული საქმიანობები შეაჯამეს.
„ადგილობრივი დემოკრატიის სააგენტოს“ მიერ წარმოდგენილი დასაქმების პროექტის მიხედვით, 2 მოხალისე, რომელიც ზაფხულის პერიოდში 2 თვით გაემგზავრება პოლინეთში, საბავშვო ბაღებისა და სკოლების დაწყებითი კლასების ბავშვებთან იმუშავებს. მოხალისეების მიერ გაწეული სამუშაო ანაზღაურებადი არ არის, თუმცა მათი ტრანსპორტირების, საცხოვრებლისა და კვების ხარჯებს ორგანიზაცია დაფარავს.
ქრისტინა ქარჩხაძე
No comments:
Post a Comment