ახალი ჰესების მშენებლობის გამო ლეჩხუმის სოფლებს დაცლა ემუქრება. აღნიშნულ საფრთხეზე „ახალგაზრდა იურისტთა ასოციაციის“ ქუთაისის ოფისის იურისტი საუბრობს. ზაალ გორგოძემ ლეჩხუმის 14 სოფლის მაცხოვრებელთა პრობლემებზე დღეს, „სამართლიანი არჩევნებისა და დემოკრატიის საერთაშორისო საზოგადოების“ ქუთაისის ოფისში გამართულ საინფორმაციო შეხვედრაზე ისაუბრა. იურისტის თქმით, საია-ს წარმომადგენლები ლეჩხუმში მოსახლეობას შეხვდნენ და მათ პრობლემებს გაეცნენ. თუმცა, არსებული საფრთხის მიუხედავად, ადგილობრივი მაცხოვრებლები სრულ ინფორმაციულ ვაკუუმში არიან.
„მათ ამის შესახებ არაფერი იციან. არც ის არის ცნობილი, სად მისცემენ მათ ალტერნატიულ ფართებს. ინფორმაციის ნაკლებობის გარდა, მოსახლეობას საკუთრების დაკანონების კუთხითაც აქვს პრობლემები,“ - ამბობს ზაალ გორგოძე.
საქართველოს მთავრობა მთელი ქვეყნის მასშტაბით (მათ შორის რაჭა-ლეჩხუმში) 15 ახალი ჰიდროელექტროსადგურის მშენებლობას 2012 წლის თებერვლიდან იწყებს. დაგეგმილ პროექტებში 13 ათასზე მეტი ადამიანი უნდა დასაქმდეს, ელექტროენერგიის გამომუშავება კი არსებულთან შედარებით, 2-ჯერ უნდა გაიზარდოს.
ქრისტინა ქარჩხაძე
No comments:
Post a Comment