ჯაშუშობისთვის მსჯავრდებულები

ქუ­თა­ი­სის სა­ა­პე­ლა­ციო სა­სა­მარ­თლომ სპე­ცო­პე­რა­ცია „ენ­ვე­რის" შე­დე­გად და­კა­ვებული პი­რების საქ­მე­ზე გა­ნა­ჩე­ნი გა­მო­ი­ტა­ნა. 17 თებერ­ვალს სა­ა­პე­ლა­ციო სა­სა­მარ­თლოს გა­დაწყვე­ტი­ლებით, უც­ვლე­ლი დარ­ჩა ბათუ­მის სა­ქა­ლა­ქო სა­სა­მარ­თლოს გა­ნა­ჩე­ნი: ჯაშუ­შობისათ­ვის მსჯავ­რდებული 9 პი­რი­დან 6 კვლავ 11-11 წლით თა­ვი­სუფ­ლების აღ­კვე­თა მი­ე­საჯა. ხოლო და­ნარ­ჩენ 3 პირს სასჯელის ზო­მა გა­ე­ზარ­და. „ენ­ვე­რის" მო­ნა­წი­ლე­თა საქ­მეს სა­ი­დუმ­ლოობის გრი­ფი ადევს. შე­საბამი­სად, ბრალ­დებულ­თა ოჯახის წევ­რებს სა­სა­მარ­თლო პრო­ცეს­ზე დას­წრების უფ­ლება არ ეძ­ლე­ო­დათ. გა­სა­ი­დუმ­ლოებული იყო საქ­მის მა­სა­ლებიც.

სა­ქარ­თვე­ლოს ში­ნა­გან საქ­მე­თა სა­მი­ნის­ტროს კონ­ტრდაზ­ვერ­ვის დე­პარ­ტა­მენ­ტმა სპე­ცო­პე­რა­ცია „ენ­ვე­რი" 2010 წლის ოქ­ტომბერ­ში ჩა­ა­ტა­რა. ძა­ლოვ­ნებმა ოპე­რა­ცი­ის შე­დე­გად რუ­სე­თის ფე­დე­რა­ცი­ის თავ­დაც­ვის სა­მი­ნის­ტროს გე­ნე­რა­ლუ­რი შტაბის მთა­ვარ სა­დაზ­ვერ­ვო სამ­მარ­თვე­ლოს­თან (ე.წ. „გრუს­თან") ფა­რულ კავ­შირ­ში მყოფი პი­რები აიყვა­ნეს. სპე­ცო­პე­რა­ცი­ის შე­დე­გად 15 პი­როვ­ნების სისხლის სა­მარ­თლის პა­სუხის­მგებლობის სა­კითხი დად­გა. და­კა­ვებულ პი­რებს შო­რის არი­ან სა­ქარ­თვე­ლოს შე­ი­ა­რა­ღებული ძა­ლების მფრი­ნა­ვები: ვი­ა­ჩეს­ლავ პლუჟნი­კო­ვი, გაბრი­ელ უს­ტა­ლიშ­ვი­ლი, და­ვით მესხიძე, გე­ლა კა­კაბაძე, გო­ჩა დი­ა­სა­მი­ძე და ტა­რი­ელ აბაში­ძე. ბიზ­ნეს­მე­ნები - ბაკურ კი­ღუ­რა­ძე, არ­მენ გე­ვორ­ქი­ა­ნი, რუბენ ში­კო­ი­ა­ნი და პეტ­რე დევ­რი­შა­ძე. ა­სე­ვე, „გრუ"-ს მე­კავ­ში­რე იუ­რი სკრილ­რპნი­კო­ვი. და­კა­ვებული ადა­მი­ა­ნებიდან 2 მათ­განს - გაბრი­ელ უს­ტა­ლიშ­ვილ­სა და პეტ­რე დევ­რი­შა­ძეს საპ­რო­ცე­სო შე­თანხმება გა­უ­ფორ­მდათ. და­ნა­შა­უ­ლის ა­ღი­ა­რების შემ­დეგ ისი­ნი გა­ა­თა­ვი­სუფ­ლეს.

სპე­ცო­პე­რა­ცია „ენ­ვერ­თან" და­კავ­ში­რებით ში­ნა­გან საქ­მე­თა სა­მი­ნის­ტროს მი­ერ გავ­რცე­ლებული ინ­ფორ­მა­ცი­ის მიხედ­ვით, სპე­ცო­პე­რა­ცი­ის ფარ­გლებში კონ­ტრდაზ­ვერ­ვის დე­პარ­ტა­მენ­ტმა „გრუ­ში" საბჭო­თა არ­მი­ის ყოფი­ლი ოფი­ცე­რი მი­ავ­ლი­ნა.

მის ფუნ­ქცი­ას რუ­სუ­ლი სამხედ­რო დაზ­ვერ­ვის თა­ნამ­შრომ­ლების ნდობის მო­პო­ვება და მათ სტრუქ­ტუ­რა­ში მუ­შაობის დაწყება წარ­მო­ად­გენ­და. და­ვა­ლების შე­სას­რუ­ლებლად აღ­ნიშ­ნულ პი­როვ­ნებას სპე­ცი­ა­ლუ­რი აპა­რა­ტუ­რა და კომ­პი­უ­ტე­რუ­ლი პროგ­რა­მა გა­დას­ცეს, რომ­ლის მეშ­ვეობით სა­ი­დუმ­ლო ინ­ფორ­მა­ცი­ის და­შიფ­რვა ხდებოდა. აღ­ნიშ­ნულ­მა პი­როვ­ნებამ ეს აპა­რა­ტუ­რა და კომ­პი­უ­ტე­რუ­ლი პროგ­რა­მა კონ­ტრდაზ­ვერ­ვის დე­პარ­ტა­მენტს გა­დას­ცა, რა­მაც ქარ­თულ მხარეს „გრუს" მუ­შაობის სპე­ცი­ფი­კის შეს­წავ­ლის შე­საძ­ლებლობა მის­ცა.

„ენ­ვე­რის" მეშ­ვეობით და­კა­ვებულ პი­რებს ბრა­ლი ჯაშუ­შობის ბრალ­დებით წაუყენეს. მათ რუ­სე­თის ფე­დე­რა­ცი­ის მთა­ვა­რი სა­დაზ­ვერ­ვო სამ­მარ­თვე­ლოს­თვის უცხო ქვეყნებთან სა­ქარ­თვე­ლოს სამხედ­რო თა­ნამ­შრომ­ლობის, სა­ქარ­თვე­ლოს შე­ი­ა­რა­ღებული ძა­ლების სამხედ­რო ავი­ა­ცი­ის ეკი­პაჟებისა და საფ­რე­ნი სა­შუ­ა­ლებების ფრე­ნების გან­რი­გის, სა­ქარ­თვე­ლოს შე­ი­ა­რა­ღებული ძა­ლების სამხედ­რო მზადყოფ­ნის შე­სახებ სა­ი­დუმ­ლო ინ­ფორ­მა­ცი­ის გა­და­ცე­მას ედა­ვებოდ­ნენ.

სპე­ცო­პე­რა­ცი­ის შე­დე­გად და­კა­ვებული პი­რები თბილის­ში, გლდა­ნის №8 სასჯელაღ­სრუ­ლების და­წე­სებულებაში 9-თვი­ან წი­ნას­წარ პა­ტიმ­რობაში იმყოფებოდ­ნენ. მსჯავ­რდებულ­თა ახლობლების თქმით, ამ ხნის გან­მავ­ლობაში მათ ოჯახის წევ­რებთან არა­ვი­თა­რი კონ­ტაქ­ტი არ ჰქონ­დათ და არც იქ არ­სებული პი­რობების შე­სახებ ფლობდნენ ინ­ფორ­მა­ცი­ას.

ზე­მო­თაღ­ნიშ­ნუ­ლი ვა­დის გას­ვლის შემ­დეგ, გა­სუ­ლი წლის 15 აპ­რილს, ბათუ­მის სა­ქა­ლა­ქო სა­სა­მარ­თლომ ე.წ. „ჯაშუ­შების საქ­მის" განხილ­ვა და­იწყო. სა­სა­მარ­თლო პრო­ცე­სი დაახლოებით 2 თვის გან­მავ­ლობაში მიმ­დი­ნა­რეობდა და 6 ივ­ლისს დას­რულ­და. სა­სა­მარ­თლოს გა­დაწყვე­ტი­ლებით, ბრალ­დებულებს 11 წლით თა­ვი­სუფ­ლების აღ­კვე­თა მი­ე­საჯა. ისი­ნი სასჯელს კვლავ გლდა­ნის №8 და­წე­სებულებაში იხდი­ან.

და­კა­ვებულ­თა ახლობლების გან­მარ­ტებით, საქ­მის კვლე­ვა რო­გორც ძა­ლო­ვან, ისე მარ­თლმსაჯულების სის­ტე­მა­ში მთე­ლი რი­გი დარ­ღვე­ვებით წა­რი­მარ­თა. მა­თი თქმით, საქ­მის მა­სა­ლებში ჩახედ­ვის უფ­ლება ბრალ­დებულების ად­ვო­კა­ტებს სა­სა­მარ­თლო პრო­ცეს­ზე მხოლოდ 5 წუ­თით მის­ცეს. გარ­და ამი­სა, რო­გორც ბრალ­დებულ­თა ოჯახის წევ­რები აცხადებენ, აღ­ნიშ­ნულ საქ­მე­ზე მუ­შაობას ად­ვო­კა­ტები გა­ურბიან. მა­თი თქმით, ერთ-ერ­თი ად­ვო­კა­ტი გო­ჩა საღ­რიშ­ვი­ლი, რო­მე­ლიც საქ­მე­ში ნამ­დვი­ლი გა­რე­მოებების დად­გე­ნის მიზ­ნით აქ­ტი­უ­რობდა, და­უდ­გე­ნელ დრო­სა და ვი­თა­რებაში გარ­და­იც­ვა­ლა. საღ­რიშ­ვი­ლი ბათუ­მის სა­ქა­ლა­ქო სა­სა­მარ­თლოს მი­ერ გა­ნა­ჩე­ნის გა­მო­ტა­ნის წი­ნა დღეს და­ი­ღუ­პა.

რო­გორც პა­ტი­მარ­თა ოჯახის წევ­რები ამბობენ, ბათუ­მის პირ­ვე­ლი ინ­სტან­ცი­ის სა­სა­მარ­თლოს გა­დაწყვე­ტი­ლების გაც­ნობის უფ­ლება არც ად­ვო­კატს, არც პა­ტიმ­რებსა და არც მათ მი­ე­ცათ.

„საქ­მის მა­სა­ლებს არა­ვინ იც­ნობს. ჯაშუ­შობის ბრალ­დებით და­ა­კა­ვეს ეს ადა­მი­ა­ნები, თუმ­ცა არა­ვინ იცის რა ფაქ­ტების სა­ფუძ­ველ­ზე ამ­ტკი­ცებენ მათ და­ნა­შა­უ­ლებრივ ქმე­დებას. ჩემ­მა მე­უღ­ლემ ერთ-ერ­თი შეხვედ­რი­სას მითხრა: „სა­მუ­და­მო პა­ტიმ­რობაზე წა­ვალ, მაგ­რამ ამ და­ნა­შა­ულს არ ვა­ღი­ა­რებ, უდა­ნა­შა­უ­ლო ვა­რო", -ამბობს გე­ლა კა­კაბაძის მე­უღ­ლე იამ­ზე დო­ლი­ძე.

გე­ლა კა­კაბაძის მსგავ­სად, ძა­ლო­ვან უწყებებთან ამ დრომ­დე არც სხვა მსჯავ­რდებულები თა­ნამ­შრომ­ლობენ. პა­ტი­მარ­თა ოჯახის წევ­რები საქ­მის პო­ლი­ტი­კურ ნი­ა­დაგ­ზე საუბრობენ. ისი­ნი არც იმ ფილ­მში მო­ცე­მულ ვერ­სი­ას იზი­ა­რებენ, რო­მე­ლიც „ენ­ვე­რის" შე­სახებ გა­და­ი­ღეს.

ფილ­მის მიხედ­ვით, და­კა­ვებული პი­რები ერ­თმა­ნე­თის ნაც­ნობები იყვნენ. ერთ-ერ­თი მსჯავ­რდებულის, ბიზ­ნეს­მენ რუბენ ში­კო­ი­ა­ნის დის, ნო­ნა ში­კო­ი­ა­ნის თქმით, სპე­ცო­პე­რა­ცი­ის ჩა­ტა­რებამ­დე არც ბრალ­დებულები იც­ნობდნენ ერ­თმა­ნეთს და არც მა­თი ოჯახის წევ­რები. ნაც­ნობობა მხოლოდ მფრი­ნა­ვებს აკავ­ში­რებდათ. მფრი­ნავ გე­ლა კა­კაბაძის მე­უღ­ლეს მი­აჩ­ნი­ა, რომ მფრი­ნა­ვები თა­ვი­ანთ საქ­მე­ში ძა­ლი­ან ძლი­ე­რები იყვნენ და მა­თი თა­ვი­დან მო­შო­რება ამი­ტო­მაც გა­დაწყვი­ტეს.

„ეს მფრი­ნა­ვები ას­ლან აბაში­ძემ გა­მო­ზარ­და. მათ აბაში­ძის მი­ერ რუ­სე­თი­დან ჩა­მოყვა­ნი­ლი მფრი­ნა­ვები ას­წავ­ლიდ­ნენ. ჩვე­ნი ბიჭები შემ­დეგ თბილის­ში ნას­წავლ ბიჭებს უტა­რებდნენ ფრე­ნის გაკ­ვე­თი­ლებს. პრო­კუ­რორ­მა ჰკითხა ჩემს მე­უღ­ლეს, რა­ტომ და­ამ­თავ­რე რუ­სუ­ლი სკო­ლა და რა­ტომ იმ­სახურე რუ­სულ ჯარ­ში­ო," - ამბობს იამ­ზე დო­ლი­ძე.

ბრალ­დებულების ოჯახის წევ­რთა თქმით, სპე­ცო­პე­რა­ცი­ის შემ­დეგ ძა­ლოვ­ნები ბრალ­დებულების სახლებში მა­თი ჩხრე­კის მიზ­ნით შე­ვიდ­ნენ. თი­თო­ე­უ­ლი სახლი­დან სა­გა­მომ­ძიებლო ორ­გა­ნოს თა­ნამ­შრომ­ლებმა ერ­თი და იმა­ვე ფე­რის ჩი­პები („ფლეშ­კები") ამო­ი­ღეს. პა­ტი­მარ­თა ახლობლები ამბობენ, რომ აღ­ნიშ­ნუ­ლი ჩი­პები ძა­ლოვ­ნებმა თა­ვად მი­ი­ტა­ნეს მათ სახლებში.

პა­ტი­მარ­თა ოჯახის წევ­რების თქმით, მსჯავ­რდებულები ცუდ პი­რობებში იმყოფებიან. რო­გორც ისი­ნი ამბობენ, ჟანგბადის ნაკ­ლებობის გა­მო მსჯავ­რდებულებს სახეზე ფე­რი არ ადევთ, ხოლო ფი­ზი­კუ­რად მი­ნი­ა­ტუ­რებს ჰგვა­ნან. ოჯახის ახლობლები იმა­საც ამბობენ, რომ მა­თი მობილუ­რი ტე­ლე­ფო­ნები ის­მი­ნება და ძა­ლოვ­ნების მხრი­დან ერ­თგვარ კონ­ტროლ­ზე არი­ან აყვა­ნი­ლი.

„ეს ბიჭები 2008 წლის რუ­სეთ-სა­ქარ­თვე­ლოს ომ­ში მო­ნა­წი­ლეობდნენ. მათ ორ­დე­ნები და სი­გე­ლები აქვთ მი­ღებული. ად­ვო­კა­ტები პრო­ცე­სი­დან გა­გიჟებული გა­მო­დი­ან. ამბობენ, ნუ­რა­ფერს გვკითხავთ, ასე­თი საქ­მე ჯერ არ გვი­ნახავ­სო. ისიც თქვეს, რომ მო­სა­მარ­თლე ენას ვერ იღებდა, თავს დამ­ნა­შა­ვედ გრძნობდა ამ ბიჭების წი­ნა­შე. ქუ­თა­ი­სის სა­ა­პე­ლა­ციო სა­სა­მარ­თლო­სა­გან არაფ­რის მო­ლო­დი­ნი გვქონ­და. უბრა­ლოდ გვინ­და ეს ინ­სტან­ციები გა­ვი­ა­როთ, რომ საქ­მე სტრასბურ­გის ადა­მია­ნის უფ­ლებათა ევ­რო­პულ სა­სა­მარ­თლო­ში გავ­გზავ­ნოთ. ჩვე­ნი ერ­თა­დერ­თი მოთხოვ­ნა სა­მარ­თლი­ა­ნი მარ­თლმსაჯულების აღ­სრუ­ლებაა," - ამბობენ პა­ტი­მარ­თა ახლობლები.

ქუ­თა­ი­სის სა­ა­პე­ლა­ციო სა­სა­მარ­თლომ „ენ­ვე­რის" საქ­მის მო­ნა­წი­ლე­თა სა­ა­პე­ლა­ციო სა­ჩივ­რის განხილ­ვა მიმ­დი­ნა­რე წლის 3 ინ­ვრი­დან და­იწყო. იან­ვრი­დან დღემ­დე ქუ­თა­ი­სის სა­ა­პე­ლა­ციო სა­ა­მარ­თლო­ში 7 სხდო­მა გა­ი­მარ­თა. უკა­ნას­კნე­ლი ორი გა­სულ კვი­რას ჩა­ტარ­და. საქ­მეს სისხლის სა­მარ­თლის კო­ლე­გი­ის მო­სა­მარ­თლემ მა­რი­ნე იმერ­ლიშ­ვილ­მა გა­ნიხილა. 17 თებერვალს ქუ­თა­ი­სის სა­ა­პე­ლა­ციო სა­სა­მარ­თლოს გა­დაწყვე­ტი­ლებით, ედუ­არდ აბდუ­ლა­ე­ვის, არ­მენ გე­ვორ­ქი­ა­ნის, რუბენ ში­კო­ი­ა­ნის, ტა­რი­ელ აბაში­ძის, და­ვით მესხიძი­სა და გო­ჩა დი­ა­სა­მი­ძის სასჯელი 11-11 წლით გა­ნი­საზ­ღვრა. გე­ლა კა­კაბაძეს 13 წლი­თა და 6 თვით თა­ვი­სუფ­ლების აღ­კვე­თა მი­ე­საჯა, ხოლო რუს­ლან გა­ლოგ­რი­სა და იუ­რი სკრილ­ნი­კო­ვის პა­ტიმ­რობის ვა­და 14-14 წლით გა­ნი­საზ­ღვრა.

ქრისტინა ქარჩხაძე