ამომრჩეველთა სიების აუდიტის შედეგებით ქუთაისში ცდომილებები დაფიქსირდა. დარღვევები აღმოჩნდა ამომრჩეველთა სახელებსა და გვარებთან, საცხოვრებელ მისამართებსა და პირად ნომრებთან დაკავშირებით. სიების აუდიტის შედეგები და დარვევევბთან დაკავშირებული რეკომენდაციები „სამართლიანი არჩევნებისა და დემოკრატიის საერთაშორისო საზოგადოებამ“ დღეს წარადგინა. ამომრჩველთა სიების აუდიტი ორგანიზაციამ გასული წლის ოქტომბერში განახორციელა.
„ამომრჩეველთა სიების აუდიტი „სამართლიანმა არჩევნებმა“ 2008 წელსაც განახორციელა. წინა აუდიტის შედეგებთან შედარებით, ამომრჩეველთა სიებში ცდომილებათა რაოდენობამ იკლო, თუმცა მაინც გვხვდება. ჩვენს ორგანიზაციას მიაჩნია, რომ სიების დახვეწის მიზნით მომდევნო არჩევნებამდე უნდა ჩატარდეს საქართველოს მოსახლეობის საყოველთაო აღწერა, შეიქმნას მისამართების სტანდარტული სისტემა და ახალ პირადობის მოწმობებზე დაფიქსირდეს მოქალქის მისამართი. წინააღმდეგ შემთხვევაში, საარჩევნო უბანს უნდა გააჩნდეს პირადობის მოწმობის წამკითხველი,“ - აცხადებს „სამართლიანი არჩევნებისა და დემოკრატიის საერთაშორისო საზოგადოების“ ქუთაისის რეგიონული კოორდინატორი თეონა გოგიშვილი.
No comments:
Post a Comment